La poesia di Federico Salvatore: 10 quartine dedicate a Maradona [VIDEO]

Federico Salvatore, noto artista napoletano, ha voluto omaggiare Diego Armando Maradona a pochi giorni dalla sua scomparsa con un componimento poetico. Dieci quartine dedicate al Pibe de Oro e recitate in questo video pubblicato su Facebook.

"Ce stà sulo nu nomme

ca fa rima cu pallone

e ’o ssape tutt’ ’o munno

ca è sulo Maradona!

Pecchè p’ogni partita,

senza sapè ’a raggione,

’a poesia d’ ’a vita

l’ha scritta c’ ’o pallone!

L’ha scritta dint’ô core

’e ogni spettatore…

’e tutt’ ’e jucature…

’e tutt’ ’e ccriature!

L’ha scritta ncopp’ê mmura,

l’ha scritto nterr’ rena,

l’ha scritto int’ê pasture

’e San Gregorio Armeno!

L’ha scritto dint’ ê vvoce

ca se songo abbrucate,

pe ffarle arrivà ncielo

stu surdato nnammurato!

L’ha scritto pe ssette anne

stu figlio ’e tutt’ ’e mmamme,

cu ’a capa in Argentina

e ’o core a Margellina!

Pe vvuje sarrà nu riàvulo,

ma quanno nterra è sciso,

Napule cu stu riàvulo

è gghiuta n’Paraviso!

Sarrà contraddizione?

Ma è cchesta ’a verità,

Napule ’e Maradona

è orgoglio e dignità!

Pe chi l’ha miso n’croce,

nun restarrà memoria,

è fuoco ca ’unn’ abbrucia

’e ppaggine ’e sta storia!

E chi penza ca è muorto,

c’ ’o tiempo perde tiempo…

Diego vence cu ’a morte

ogge, dimane e sempe!"